جمهورية أوزوبيس - عايزة مواطنين جدد من جميع الأعمار و الأديان

بالفيديو (فرصة لا تكرر): "جمهورية أوزوبيس" دلوقتي عايزة مواطنين جدد "جميع الأعمار و الأديان" من كل بلاد العالم "اللي فيها مشاكل" للعيش و العمل فيها و لكن الشرط الأساسي المطلوب عشان يوافقوا إن الشخص يعيش في دولتهم هو إنه يرمي كل همومه و مشاكله وراه و يسافرلهم عشان يتبسط و ينسي الماضي المتعب و ميفكرش في أي حاجة تزعل، و هما حيوفروله بيت و شغل ❤️

"جمهورية أوزوبيس" أو كما تلقب في العالم ب"جمهورية الروقان" دولة جديدة صغيرة جداً إتأسست و أعلنت إستقلالها سنة ١٩٩٧ عن العاصمة الليتوانية فيليونيس في أوروبا و بتتفاخر بين دول العالم إنها معندهاش أي مشاكل خالص و إنها أكتر دولة عايشة في سلام و أمان و حب و شعبها اللي عدده ٧٠٠٠ واحد (منهم ١٠٠٠ فنان) مفيش واحد فيهم عنده أي هموم تماماً... و إنهم أكسل شعب في العالم لأن في دستورهم (اللي في معلقينه في الشارع عندهم عشان كل الناس تعرفه و تحفظه) مكتوب فيه "لكل إنسان الحق أن يكون كسولاً" 🤗

الغريب إن شعار علم جمهورية أوزوبيس مرسوم عليه إيد مفتوحة و فيها خرم و ده معناه إن "أي إنسان يقدر يعيش في أوزوبيس بسعادة حتي لو جاي معهوش أي فلوس" ، لأنهم هما حيوفرولوا كل حاجة...
و مثال لكدة إن فيه شاب مصري إسمه "أحمد سمير عبد الله عبدالله متولي" كان شغال في مصر مهندس غسالات سافر أوزوبيس و ساعدهم في ترجمة دستور أوزوبيس للغة العربية و دلوقتي هو شغال سفير لدولة أوزوبيس .

حجاجوفيتش راح زار جمهورية أوزوبيس عشان يتأكد إنها دولة حقيقية و قابل وزراء الدولة و منهم وزير الخارجية و وزير الثقافة و وزيرة التعليم و وزير الدفاع اللي كان أكتر حاجة محتاجها هو ضباط و عساكر جديدة في جيشه اللي عدده ١١ فرد بس 💪

=========================
Follow me on:
https://www.facebook.com/Haggagovic/
https://www.instagram.com/haggagovic/
http://www.haggagovic.com/
https://twitter.com/haggagovic